ခေါ်သံလေလား ကြားယောင်ရင်းက
ချန်ရစ်တော့မယ့် အတွေးတိမ်တွေကိုလှုပ်ခတ်
အရိပ်သစ်တွေကူးတဲ့ကမ်းပါးမှာ
ဘယ်ကောင်းကင် မဲမှောင်နေဦးမလဲ..။
ဆူသံအူသံ လှိုင်းဂယက်မှာ
ဘဝလှိုင်းတို့ပွက်ထ
မျှားချင်သူတွေလက်မှာ
အိပ်မက်တွေရောင်းလို့ကောင်းတုန်းပဲ..။
ကဗျာတစ်ပိုဒ်နဲ့
မီးတစ်မြိုက်ကြားမှာ
လဲလိုက်ပြိုလိုက် လွှဲလိုက်ကွဲလိုက်ရင်း
ဘဝက အိပ်မက်ပြာတို့နဲ့ ဖွေးသွားတယ်..။
ညီမင်းစံ
၂၉.၉.၀၉
5000 တန်ထွက်မယ်ဆိုတဲ့သတင်းထွက်လာပြီးတဲ့နောက် စကားသံမျိုးစုံကြားရသလို ဈေးနှုန်းတွေလည်း ငြိမ်နေတဲ့ကန်ရေပြင်ကို ခဲချလိုက်သလို ပွက်ထွလျှံထွက်လာတယ်..။ မြန်မာ့စီးပွားရေးအခြေအနေအရတော့ ဘေးကြပ်နံကြပ်ဖြစ်နေတဲ့ အခြေအနေတစ်ခုကို ဒီလိုနည်းနဲ့ပဲ ဖြေရှင်းလိုက်ရတယ်လို့ပဲ မြင်မိပါတယ်..။ အနောက်အင်အားကြီးနိုင်ငံတစ်ခုဖြစ်တဲ့ အမေရိကန်လို နိုင်ငံမျိုးရဲ့ အသေးသုံးငွေက လက်ရှိမြန်မာနိုင်ငံရဲ့ အကြီးဆုံးသုံးငွေတန်ဘိုးထက် နည်းနည်းပိုသာနေလေတော့ ဒီလိုလုပ်မှကို ဖြစ်မယ့်သဘောမှာရှိပါတယ်..။ တစ်ဖက်က ပြန်တွက်ကြည့်ရင် အဲဒီလို လုပ်တာနဲ့ မကာမိဘဲ ငွေကြေးဖောင်းပွမှုက ၂ဆခွဲလောက် တက်သွားမယ်လို့ ခန့်မှန်းကြည့်မိတယ်..။ လူလတ်တန်းစားနဲ့ လက်လုပ်လက်စားသမားတွေ အထိနာမယ့်ပွဲဖြစ်ပါလိမ့်မယ်..။ ငွေရှင်ကြေးရှင်တွေအနေနဲ့တော့ ရှိသလောက်ငွေရင်း အခြေပြုပြီး ၀ယ်ယူသိုလှောင်မှုတွေ လုပ်မယ်ဆိုရင်တော့ ဈေးတွေပိုတက်လာမယ့်အပြင် အဲဒါတွေထုတ်မရောင်းသေးတဲ့ အချိန်တလျှောက်လုံး ကမောက်ကမ ဖြစ်နေဦးမယ်ထင်ပါတယ်..။ တစ်ဖက်က ငွေ 1000 ကျပ်တန်တွေ ထပ်မံရိုက်နှိပ်မှုကိုလည်း မရပ်တန့်သေးဘူးဆိုရင်တော့ အခြေအနေက ပိုဆိုးဖို့ရှိမယ်လို့ ကျွန်တော်ယူဆပါတယ်..။ နိုင်ငံခြားငွေ လဲလှယ်နှုန်းတွေ မြင့်တက်လာမယ့် တက်ရိပ်တွေ ရှိနေပေမယ့် လက်ဝယ်ကိုင်ထားသူတွေလည်း ထုတ်ရောင်းမှာ မဟုတ်တဲ့အပြင် ငွေရှိတဲ့သူတွေလည်း ၀ယ်စုဖို့ ကောင်းတဲ့အခြေအနေပါပဲ..။ ဆင်ဖြူတော် ဆိုတဲ့ အင်္ဂါနာမ်နဲ့ လွှတ်တော်ဆိုတဲ့ ဗုဒ်ဓဟူးနာမ်ကို ကျောခြင်းကပ်လို့ ဘာဖြစ်တယ် ညာဖြစ်တယ် တွက်တဲ့လူများကလည်း ရှိပါသေးတယ်..။
