ပိတောက်ကင်ဆာ
(တစ်)
အတိတ်တွေ အရိပ်လိုထိုးကျနေတဲ့ မြေပြင်မှာ ကျွန်တော်လမ်းလျှောက်နေခဲ့တယ်။ ဟိုးအဝေးဆီက ငှက်သံလေး မကွဲမပြားကြားလိုက်မိတယ်။ ဥသြငှက်သံလို့ စိတ်က သိနေခဲ့တယ်။ ခပ်မှိုင်းမှိုင်းမြေပြင်ကို နင်းဖြတ်ရင်း ဘယ်ဆီဘယ်ဝယ်မရည်ရွယ်ဘဲ တစ်နေရာဆီကို ငေးရီနေမိတယ်။ ကျွန်တော့်မြင်ကွင်းထဲ ပိတ်တောက်ပင်နဲ့ ခုံတန်းဖြူလေးတိုးဝင်လာခဲ့တယ်။ အတိတ်တွေ။ သွေးစက်တွေလို နီရင့်ရင့် ကျွန်တော့်ရှေ့မှာ တစ္ဆေတစ်ကောင်လို့ ရုတ်ခနဲရောက်လာတယ်။ ရောင်ရမ်းပြီး မျက်စေ့စုံမှိတ်ထားလိုက်မိတယ်။ ကျွန်တော့်အတွက် အတိတ်ဆိုတာ ပစ္စုပ္ပန်မှာကပ်နေတဲ့ အရိပ်တစ်ခုလိုပဲ အမြဲတတွဲတွဲနဲ့။ လေပူတစ်ချက်မှုတ်ထုတ်ရင်း မောဟိုက်နေတဲ့ ရင်ခွင်ကို လျှော့ချကြည့်ပေမယ့် စီးပိုးထားတဲ့ အတိတ်ဟောင်းရဲ့ အရိပ်က ကျွန်တော့်ပုခုံးထက်မှာ လေးတွဲ့စွာခိုမှီနေခဲ့တယ်။ နုန်းချိနေတဲ့ ခံစားချက်တွေ ကျွန်တော့ဆီ တစ်ပွေ့တစ်ပိုက်။
အဲဒီနေ့တွေပေါ့။ ကျွန်တော့်ဆီကို ရောက်လာဦးမယ့် အဲဒီနေ့တွေ။ မရှိတော့ရင် သိပ်ကောင်းမှာပဲ ဆိုတဲ့ ကလေးဆန်ဆန် ဆုတောင်းကိုလည်း ဘုရားအဆူဆူတို့ မသိကြားခဲ့ပါဘူး။ ဒီနေ့တွေက ကျွန်တော့်ဆီကို တနင့်တပိုး ရောက်လာဦးမယ်။ ကျွန်တော့်နှလုံးသားကို ဆွဲရမ်းလှုပ်ခတ်ဦးမယ်။ နောက်တော့ ကျွန်တော့်ကို အလဲထိုး မြေပြင်မှာ ခွေလှဲချန်ရစ်ခဲ့စေဦးမယ်။ ဒီရက်တွေအတွက် တားဆီးနိုင်စွမ်း ကျွန်တော့်မှာမရှိ။ ပိတ်ပင်နိုင်စွမ်း ကျွန်တော့်မှာမရှိ။ ပြောင်းလဲနိုင်စွမ်း ကျွန်တော့်မှာမရှိ။ ရင်ဆိုင်ခြင်းလမ်းကလွဲရင် ကျွန်တော့်မှာ နတ္ထိ။ Fight or Fligh တဲ့။ ရင်ဆိုင်မလား ထွက်ပြေးမလားဆိုတဲ့ မေးခွန်းအတွက် ထွေးပြေးစရာ ထွက်ပေါက်ဆိုတာ ရှင်သန်ခြင်းကမ်းပါးအလွန်ဆီမှာ။
(နှစ်)
ထိုနေ့။ ကောင်းကင်က ရွှေအိုရောင်တွေနဲ့ စွန်းပေနေခဲ့တယ်။ နောက်ဘက်ထောင့်ချိုးဆီမှာတော့ မေးတင်နေတဲ့ နေတစ်စင်းက ၀န်းဝိုင်းဖြိုးမောက်နေခဲ့တယ်။ တောင်အရပ်ဆီက လေပြေတွေ တသုန်သုန်ခြွေချနေခဲ့တယ်။ ကျွန်တော်ရယ် သူမရယ် ပိတောက်ပင်ကြီးရယ် ရိုးစင်းတိတ်ဆိတ်စွာ။ သူမရဲ့ ဆံနွယ်ခက်တွေ လေအဝေ့မှာ လှုပ်ခတ်နေတယ်။ လေနတ်သားကြည်စယ်နေတာကို ကျွန်တော့်စိတ်ထဲ ကြိတ်ပြီးအူတိုနေခဲ့မိတယ်။ ကျွန်တော်နှင့်သူမ တိတ်ဆိတ်တဲ့ အသံတွေနားထောင်ကြည့်ရင်း ရင်ခုန်သံတွေနဲ့ ဖက်တွယ်ထားမိကြတယ်။ လေအေးလေးနဲ့အတူ သီချင်းသံသဲ့သဲ့ ရောပါလာတယ်။ ကျွန်တော်ပြုံးမိတယ်။ ရာသီစက်ဝန်းလက်တံ နွေကိုရွေ့ရင် အချက်ပေးသံက သင်္ကြန်သီချင်းရယ် ဥသြငှက်ငယ်ရယ်လေ။ သူမလည်း ကျွန်တော့်လိုပဲ ထင်ရဲ့။ လက်ခနဲ ပြုံးပြီးကျွန်တော့်ကို ကြည့်တယ်။ နောက်တော့ ကျွန်တော်ရယ် သူမရယ် သင်္ကြန်ဆိုတဲ့ စကားလုံးလေးပေါ် ရင်ခုန်သံတွေကို စကားလုံးလေးတွေအဖြစ် ကြဲပက်လိုက်ကြတယ်။
သူမဆိုတဲ့ သူမဟာ ကျွန်တော့်ရဲ့ နတ်မိမယ်လေးတစ်ပါးပေါ့။ တစ်ခါတစ်ခါမှာ ကျွန်တော်က ကလေးလေးလို့ ခေါ်ရလောက်အောင် သူမကျွန်တော့်အပေါ်မှာ နွဲ့ဆိုးဆိုးတတ်သလို ကျွန်တော့်အပေါ် ကောင်းစေချင်လို့ ပြင်စေ့ချင်တာလေးတွေ ပြောပြတဲ့အချိန် လေဒီလို့ ကျွန်တော်ခေါ်တဲ့အခါ သွားထပ်ကလေးပေါ်အောင် ပြုံးပြတတ်တဲ့ ချစ်စရာကောင်းသူလေးပေါ့။ ဆောင်းညနေခင်းတစ်ခုမှာ ကဗျာအိုလေးတစ်ပုဒ်ဖတ်ရွတ်သလိုပဲ နူးညံ့သိမ်မွေ့စွာ ကျွန်တော်သူမအပေါ် ချစ်နေမိတယ်။ သူမအပြုံးလေးတစ်ပွင့် ကျွန်တော့်ထံ လက်ခနဲဖြတ်ပြေးသွားရင် ကျွန်တော့်နှလုံးသားထက် ရေခဲမြစ်တစ်စင်း ဖြတ်စီးသွားသလို အေးခနဲ လှိုက်ခနဲ။ ကျွန်တော်ဆိုတဲ့ကောင် သူမမျက်နှာထက်က အလင်္ကာစတွေကြောင့် မိုးအကြိမ်ကြိမ်လင်းခဲ့တယ်။ ဘယ်တော့မှ ဘယ်လိုအကြောင်းမျိုးနဲ့မှ ဝေးမသွားနိုင် ခွဲမသွားနိုင်ဆိုတဲ့ အတွေးတွေနဲ့အတူ တစ်ယောက်ကိုတစ်ယောက် ယှက်နွယ်ထားရင်း ကျွန်တော်နဲ့သူမတို့ရဲ့ ရင်ခုန်သံ နိဒါန်းဦးဟာ ဆွတ်ပျံ့ဖို့ကောင်းနေခဲ့တယ်။
ဝင်းစိုအိနေတဲ့ညနေရဲ့ အခိုက်အတန့်လေးက လူငယ်ဆိုတဲ့ ခံစားချက်ရှေ့တန်းတင်တတ်လွန်းတဲ့ ကျွန်တော်တို့နှစ်ယောက်ရဲ့ စိတ်တံခါးကို ခေါက်တယ်။ သူငယ်ချင်း အပေါင်းအသင်းတွေနဲ့အတူ သင်္ကြန်ရဲ့ရသကို ရေတွေကြားမှာ တိုးဝှေ့ရှာဖွေချင်လာခဲ့တယ်။ စိုစိမ်းဝင့်နေတဲ့ မြင်ကွင်းတွေကြားမှာ ရေအေးတွေနဲ့ဆန့်ကျင်စွာပဲ ကျွန်တော်နဲ့သူမရဲ့အတွေးတွေ နွေးထွေးနေခဲ့တယ်။ ကျွန်တော်ရယ် သူမရယ် သူငယ်ချင်းတွေရယ် သိပ်လှတဲ့ သင်္ကြန်ရက်တွေရယ် ရေပန်းရေခွက်တွေနဲ့ အလှပြယာဉ်ကြီးတွေရယ်။ စိတ်ဆိုတဲ့အရာက ဆင်ရိုင်းတစ်ကောင်ပြောရမယ်ဆို ချွန်းဖွင့်လွှတ်လိုက်တာက သင်္ကြန်ဆိုတဲ့အရာပဲ။ အိပ်မက်တွေ စီချယ်တဲ့ ညနေတစ်ခုကိုလွန်မြောက်တော့ သူမနဲ့ကျွန်တော် သူငယ်ချင်းတွေနဲ့ တိုင်ပင်ရင်း ပျော်ရွှင်စရာ ရသပိုဒ်ကို ရေးကြတယ်။ မိုးပြာရောင်ဂျစ်ကားလေးရယ်၊ လည်ဖို့ပတ်ဖို့ ဆီအလုံအလောက်ရယ်က ကျွန်တော်တို့တစ်သိုက်ကို ရင်ခုန်သံမြန်စေခဲ့တယ်။ ဘာရယ်ကြောင့်တော့ မသိ သူမရဲ့လက်နွေးနွေးလေးကို ဖြစ်ညှစ်ပြီးဆုပ်ကိုင်ထားလိုက်တယ်။ ရင်ထဲမှာ ပျော်ရွှင်မှုမဟုတ်တဲ့ ခံစားချက်တစ်ခု ဘယ်ဆီဘယ်ဝယ်က ထိုးထောင်ထွက်ပေါ်လာတယ် မသိပါဘူး။ ကျွန်တော်ကိုယ်တိုင်လည်း အဲဒီခံစားချက်ကို မသိခဲ့ဘူး။
လှချင်တိုင်းလှတယ်ဆိုတဲ့စကားကို ဘယ်သူပြောခဲ့တယ်ဆိုတာ ကျွန်တော်မသိခဲ့ပါဘူး။ ဒါပေမယ့် အဲဒီစကားလုံးလေးထက် ကျွန်တော့်ရဲ့သူမသိပ်လှနေခဲ့တယ်။ အကျနေ့မနက်စောစောပိုင်းမှာ အိပ်မက်ဦးက ပန်းတွေခင်းထားတယ်။ မနွမ်းအောင် ရေစွတ်ပြီးသိမ်းထားတဲ့ ပိတောက်ပန်းခက်တချို့ မွှေးအီနေတယ်။ သူမ ပန်းကြိုက်သူမဟုတ်ပေမယ့် ကျွန်တော်ပေးတဲ့ ပန်းတစ်ခက်ကို ဖွဖွလေးနမ်းတယ်။ ရင်ထဲရှိန်းမြပြီး လင်းသွားတယ်။ သူမရဲ့အလှတရားက မိုးဦးပန်းတစ်ပွင့်လို လတ်ဆတ်လွန်းနေတယ်။ ရေပိုက်တွေနဲ့ ပက်တဲ့အခါ သူမကျွန်တော့်ရင်ခွင်မှာ အကာအကွယ်ယူထားတယ်။ ရေသာမက ဘာကြီးဖြစ်နေပါစေ အဲဒီအချိန်မှာ ကျွန်တော်ကာကွယ်မိမှာပါပဲ။ ကျွန်တော်သိပ်ချစ်တဲ့သူကို ကာကွယ်ပေးနေတယ် ဆိုတဲ့ ရသက ဘယ်ဆီဘယ်ဝယ်ကနေ ကျွန်တော့်ရင်ဘတ်ထဲ စီးမျောပျော်ဝင်လာတယ် မသိဘူး။ ပီတိတွေနဲ့ ရင်တစ်ခုလုံး ပြည့်နေခဲ့တယ်။
(သုံး)
ဘယ်သူက ကြမ္မာဆိုးရဲ့ သားရဲတွင်းဝဆီ ကျွန်တော်တို့ကို မောင်းသွင်းလိုက်တာလဲဆိုတာကို ကျွန်တော်မသိပါ။ ခံစားချက်တွေနဲ့ ရုန်းကြွနေခဲ့တဲ့ နှလုံးသားတစ်စုံ ကြေကွဲခဲ့ရတဲ့ နေ့တစ်နေ့။ အလင်းတွေ ဘယ်ဆီဘယ်ဝယ်ရောက်လို့ ဆိတ်သုဉ်းသွားတယ် မသိတဲ့ နေ့တစ်နေ့။ ကျွန်တော့်အမြင်အာရုံတွေ ပိန်းပိတ်အောင် အမှောင်ကျသွားမယ့်နေ့က ဘယ်အချိန်ကတည်းက ကျွန်တော့်ထံပါးကို တရွေ့ရွေ့ ချဉ်းကပ်လာခဲ့တာလဲဆိုတာ လုံးဝမသိခဲ့။ ဘာကြောင့်ရယ် အတက်နေ့ဆိုတဲ့ နေ့တစ်နေ့ကို ပညာကျော်တို့ ထည့်သွင်းခဲ့သည်ဆိုတာကိုလည်း ကျွန်တော်မသိ။ ဖြစ်နိုင်မယ်ဆိုရင် နောက်ဆုံးနေ့ ဆိုတဲ့ အတက်နေ့ကို ပြက္ခဒိန်မှာ ခြစ်ထုတ်ပစ်ချင်မိတယ်။ ကျွန်တော့်မှာ မသိခြင်းပေါင်းများစွာကို ခြွေချရင်း မငိုတတ်ပေမယ့် မျက်ရည်ကျခဲ့ရတယ်။ မမျှော်လင့်တဲ့ ဖြစ်ရပ်က ရိုက်နှက်ခဲ့လို့ ကွဲပြိုတဲ့ အိပ်မက်မှန်ကွဲစတွေ လမ်းပေါ်မှာ ဖွေးခနဲ။ ကျွန်တော့်ခြေဖ၀ါးတွေလည်း သွေးအလိမ်းလိမ်းနဲ့။
ဝုန်း ဆိုတဲ့ အသံကြီးက အဲဒီအချိန်က သိပ်မကျယ်လှဘူး ထင်မိပေမယ့် အတိတ်ကိုကျော်ဖြတ်လာချိန် ပစ္စုပ္ပန်မှာ တောလှဲသံလို ကမ္ဘာပျက်သလို အသံတစ်ခုအနေနဲ့ ရင်ထဲမှာ သိမ့်သိမ့်ခါခဲ့ရတယ်။ အဲဒီနောက် စူးခနဲအော်သံတွေ ကျွန်တော့်နားထဲပူလောင်စွာ စီးဝင်လာခဲ့တယ်။ နေ့လည်ဘက်ခဏနားပြီးတဲ့နောက် ကျွန်တော်တို့ကားလေး မဏ္ဍပ်တိုးဖို့အလာ လမ်းပေါ်မှာ။ သူမက ကျွန်တော့်ကို ကလေးတစ်ယောက်လို ဂျီကျရင်း ဂျစ်ကားအမိုးကိုင်းပေါ်ထိုင်နေခဲ့တယ်။ လမ်းမဘက်ဆီကို အရှိန်နဲ့ ထွက်လာတဲ့ကားတစ်စင်း ကျွန်တော်တို့ကားကို ဖြတ်အတိုက်။ အသံတွေ စီညံလို့။ ချာခနဲလည်ထွက်သွားတဲ့ အသိနဲ့အထိ။ မှောင်ကျသွားတဲ့ ခဏ။
သက်ပြင်းချသံ အတိုင်းသားကြားရလောက်အောင် အခန်းငယ်လေး ဆိတ်ငြိမ်နေခဲ့တယ်။ ဘယ်အတွက်ကြောင့် ဆူညံသံတွေ ဝေးကွာခဲ့သည်ကို ကျွန်တော်မမှတ်မိ။ မီးစထက်ပူတဲ့ရာတစ်ခု နားကနေတဆင့် ရင်ဘတ်ထဲကို စကားလုံးတွေနဲ့ ရိုက်သွင်းဝင်ရောက်လာခဲ့တယ်။ ဘယ်လိုမှ မထင်မှတ်သော မမျှော်လင့်သောစကားတစ်ခု။ ကျွန်တော့်နှလုံးသား ကြွေမွ၊ ကျွန်တော့်အတွေးတွေ ပျက်သုဉ်း၊ ကျွန်တော့်သိစိတ်တွေ ဆောက်တည်မရ၊ ကျွန်တော့်မျက်ဝန်းအိမ်က တမံကျိုးကျ၊ ကျွန်တော် လောကသိနဲ့ အဆက်အသွယ်ပြတ်တောက်၊ အရာရာအားလုံး အမှောင်ကျသွား။
သူမ..
မ .. ရှိ.. … တော့ .. … …။
(နိဂုံး)
ပိတောက်ပင်ပျို စိမ်းဖန့်ကာ လောကကို ကြွားဝင့်ချီနေတုန်း။ ပိတောက်ပင်နဲ့ ကျွန်တော်နဲ့ သူမနဲ့ ဆက်စပ်နေခဲ့တာတွေ ကျွန်တော့်စိတ်မှာ အမြစ်တွယ်နေခဲ့တယ်။ ဘယ်တော့မှာ ဆွဲနှုတ်လို့ ရမှာမဟုတ်။ သင်္ကြန်ရောက်တိုင်း၊ ပိတောက်ပန်းနဲ့ ပိတောက်ခက်တွေမြင်လေတိုင်း၊ ပြက္ခဒိန်စာရွက်ရဲ့ အနီရောင်စာလုံးတွေ သွေးစွန်းသော လှောင်ရယ်မှုတွေနဲ့အတူ မြင်ယောင်ရင်း သူမနဲ့ ကျွန်တော် အတူတူထိုင်ခဲ့တဲ့ ခုံတန်းဖြူဖြူလေးကို ကျွန်တော်ငေးရီနေခဲ့တယ်။ နေ၀င်စောလိုက်တာ။
ညီမင်းစံ
