31-12-2008
2008 ကုန်တော့မယ်..။ မနက်ဖြန် 2009 ကိုရောက်ပြီပေါ့..။ ဒီနှစ်က ကျွန်တော့်အတွက် အတော်ဆိုးတယ်.။ ဘ၀အချိုးအကွေ့တွေ သိပ်များတယ်..။ ကျန်းမာရေး အတော်ညံ့တယ်..။ အိပ်မက်တွေ မီးလောင် ပြာကျသွားတယ်..။ မိသားစုအရေးအခင်းတွေ မပြေပြစ်ဘူး..။ ဓါတ်ပုံပညာကို လေ့လာခဲ့တယ်..။ ခုဆို ဓါတ်ပုံရိုက်တာ ၈လ ပေါ့..။ ကိုယ်နဲ့ နည်းနည်းစိမ်းတဲ့ web developing နဲ့ အလုပ်လုပ်နေရတယ်..။ အမှန်တကယ်က ကျွန်တော်လေ့လာတာ networking ပါ..။ ဘ၀ဟာ ခဏခဏ ပြောင်းပါတယ်…။ တစ်ခုတည်းမဟုတ်ပါဘူး..။ အကြိမ်ကြိမ် အခါခါ မြွေတစ်ကောင် အရေခွံလဲနေသလိုပဲ ပြောင်းရတယ်..။ ဒါ ကျွန်တော် မြန်မာပြည်မှာ computer သမားဖြစ်နေလို့ ဒီလိုတွေ လုပ်နေရတယ် နားလည်မိတယ်..။ ကျွန်တော် လုပ်ချင်တာသာလုပ်နေရင် တစ်လ မြန်မာငွေ နှစ်သောင်းခွဲ သုံးသောင်းနဲ့ နက်ဝက်အင်ဂျင်နီယာ ဖြစ်နေမှာပါ..။
ကျွန်တော့်အတွက် အဆင်မပြေသလို ကျွန်တော်နဲ့ ပတ်သက်လာတဲ့ ၀န်းကျင်ကလည်း လက်ခံနိုင်မယ် မထင်ပါဘူး..။ နိုင်ငံခြားလို တိုင်းပြည်မျိုး ထွက်ဖို့အတွက်ဆိုတာကလည်း အတော်ခက်ခဲပြန်ပါတယ.်.။ ကျွန်တော် ဘေးကျပ်နံကျပ် ဖြစ်နေချိန်များပေါ့..။ ၂၀၀၈ ဟာ နှစ်ဆန်းပိုင်း ပိုက်ဆံအိတ်ကျပျောက်ပြီးတဲ့နောက် တောက်လျှောက် ဆိုးကျိုးတွေ သယ်လာလိုက်တာ ကွန်တိန်နာ သုံးလုံးစာလောက် ရှိပါတယ်..။ အိပ်မက်တွေ မီးလောင်သွားတယ်..။ ကွန်ပျူတာ ၂ လုံး မီးထဲ ပါသွားတယ်..။ ပြန်ကြိုးစားနေတုန်းပါပဲ…။ ကျွန်တော်မီးထဲပါသွားတာကမှ အိမ်က စားပေါက်တစ်ပေါက်လျော့သွားမယ် ထင်ပါတယ်..။
လောကမှာ အချိန်ပေးရသလောက် ပြန်ရိတ်သိမ်းရတာ တန်ပါတယ်..။ စိုက်ပျိုးထားတာ ရိတ်သိမ်းရတဲ့အတွက် အကျိုးရှိပါတယ.်.။ ကိုယ်စိုက်ပျိုးတာ မဟုတ်ဘဲ ရိတ်သိမ်းရတာမျိုးတော့ မတန်ဘူး ထင်ပါတယ်..။ ကျွန်တော် အခု ဂွတီးဂွကျ ဟိုမရောက်ဒီမရောက် ဇော်ကန့်လန့်ဖြစ်နေတာတော့ သေချာပါတယ်..။ ခက်တာက ခိုင်မာမှုမရှိတဲ့ မြေပေါ်ရပ်မိတဲ့ ကျွန်တော် ခိုင်မာနေတာပါပဲ..။ မြေခိုင်ခိုင် ရွေးပြီး ခိုင်ခိုင်မာမာ ရပ်တတ်ဖို့ လိုပါတယ်..။ အခု မြေစမ်းနေပါတယ်..။ ခရမ်းပျိုးမယ် မဟုတ်ပါဘူး..။ ကျွန်တော် ရပ်ဖို့ပါ..။ ကျွန်တော့်နေရာက ခိုင်မာတယ်ဆိုမှ ရှေ့ဘာဆက်လုပ်မယ် ပြောလို့ရမှာပါ..။ ၂၀၀၉ ဟာ မနက်ဖြန်မှာရောက်ပါပြီ..။ အားလုံးလည်း ရင်ဆိုင်ဖို့ အဆင်သင့် ဖြစ်နေပါပြီ..။ နှစ်သာကုန်သွားတယ် ဘာမှမယ်မယ်ရရ မဖြစ်လိုက်ဘူး လို့ ကျွန်တော်မပြောပါဘူး..။ ဖြစ်သင့်ဖြစ်ထိုက်တဲ့ ကြိုးစားထားတာလေးတွေတော့ ဖြစ်လာပါတယ်..။ ခါတိုင်း ဒီအချိန်မှာ သိပ်ပျော်နေချိန်ပေါ့..။
၂၀၀၈မှာ ကျွန်တော် စာတချို့ ဖတ်ဖြစ်တယ်..။ ပညာရပ်ဆိုင်ရာ စာအုပ်ထက် တခြား ဗဟုသုတ စာအုပ်လေးတွေကော ပါပါတယ်..။ စာအုပ်တွေစုဖြစ်တယ်..။ နောက်များမှာ photo blog ကနေ ကျွန်တော် အရင်တုန်းက ရေးနေကျ theme ကို ပြောင်းပါတော့မယ်..။ သတင်း၊ နည်းပညာ၊ ပညာဗဟုသုတ၊ သင်ခန်းစာများ၊ ဓါတ်ပုံ၊ ၀တ္ထုတို၊ ကဗျာ၊ ဟာသ စတာတွေ ကျွန်တော်အချိန်လုပြီး ရအောင်လုပ်ပါမယ်..။ ဒီဘလော့ကို လုပ်ထားတာ ပညာဖလှယ်ဖို့ ရည်ရွယ်ပါတယ်..။ အခုဟာက ဓါတ်ပုံတွေတင်ရင်း ပွားရင်းဖြစ်နေလေတော့ ကိုယ့်ကိုယ်ကိုယ်ရှက်ပါတယ်..။ ရှေ့လျှောက်လုပ်မှာတွေက အချိန်ရရင် ရသလို လုပ်ကိုင်သွားပါမယ်..။ အားလုံး မင်္ဂလာရှိသော နှစ်သစ်ဖြစ်ပါစေ ဆုတောင်းပါတယ်…။ အခက်အခဲ အကြပ်အတည်းတွေကနေ လွတ်မြောက်ပြီး ရည်မှန်ချက်တွေနဲ့ ခိုင်မာတဲ့ ဘ၀ကို တည်ဆောက်နိုင်ပါစေလို့ ထပ်ဆင့်ဆုတောင်းပါတယ်ဗျာ..။
